Castlevania: The Arcade

(تنبيه انا مالعبت اللعبة على اركيد انا استخدمت محاكي)

ثاني واخر لعبة كاسلفينيا على الاركيد، اللعبة منظور اول من نظام
On-Rails Shooter
يعني الكاميرا تتحرك من نفسها وانت تطلق

اللعبة بالاركيد المفروض يكون معك سوط و تستعمله علشان تضرب، متأكد ان هذا يضيف واجد للتجربه لكن للاسف انا كنت العب بماوس.

غير السوط معك الاسلحة اللي دايم من سكاكين وفاس والاسلحة الباقية، تستعملها بأنك تضغط زر وتجمع القلوب بأنك تكسر الشموع نفس اي كاسلفينيا ثانية، الفرق هنا ان الشموع ايضا تعطي إضاءة فأنت دايم بموقف انك هل تكسر الشمعه علشان القلوب او تتركها علشان تشوف اماكن الاعداء بشكل اوضح

المراحل جميلة وحلو انك تشوف القلعة من منظور اول، الكاميرا تتحرك زين والاعداء يفاجئونك بانه ينط فجأه او يكون بعيد ويرمي وانت ما تنتبه، لكن اللعبة تعطيك فرصة انك تذبحهم اول لأن الكاميرا احيانا تلف ورى علشان تنبهك ان فيه وحوش وراك فتكون انت جاهز لهم اذا قربو لك، لكن لو انت سريع كفاية يمديك ترميهم على طول من بعيد، هذا الشي يوازن صعوبة الاركيد هو اكيد انت اول مره تلعب ماراح تكون مستعد وبتموت واجد لكن هذا شي متوقع من الجانرا

في نهاية كل مرحله فيه زعيم وهيلثه يكون عالي، لكن لو وقت ضربتك صح بتقدر تسوي بيري وتنقص واجد منه، الزعماء مميزين ومتنوعين ولو ان بعضهم فيه رخص وحركات صعبه علشان اللعبة تغصبك تدفع
(تحية خاصه للدولهان وديث المره الثانية)

باختصار: لعبة ممتازة مهي الافضل في السلسة او الجانرا ولكن كلعبة اركيد تسوي اللي عليها، اقدر اتخيل نفسي العبها لو لقيتها هنا